Lesungen auf Sorani

12. Sonntag nach Trinitatis, 19.8.2018:

1. Lesung: نامه‌ی
1شاول هێشتا هه‌ڕه‌شه‌ی له‌ قوتابییه‌كانی عیسای خاوه‌ن شكۆ ده‌كرد و هه‌وڵی كوشتنی ده‌دان. چوو بۆ لای سه‌رۆكی كاهینان،2داوای نامه‌ی لێكرد بۆ كه‌نیشته‌كانی دیمه‌شق، تاكو ئه‌گه‌ر یه‌كێك ببینێت و سه‌ر به‌ ڕێگاكه‌  بێت، چ ژن و چ پیاو، به‌ به‌ندكراوی بۆ ئۆرشه‌لیمیان ببات.3كه‌ ده‌ڕۆیشت و له‌ دیمه‌شق نزیك بووه‌وه‌، له‌پڕ ڕووناكییه‌ك له‌ ئاسمانه‌وه‌ له‌ ده‌وروبه‌ری بریسكه‌ی دایه‌وه‌،4كه‌وته‌ سه‌ر زه‌وی و گوێی له‌ ده‌نگێك بوو، پێی فه‌رموو: «شاول! شاول! بۆچی ده‌مچه‌وسێنیته‌وه‌؟»
5شاول پرسیاری كرد: «گه‌وره‌م، تۆ كێیت؟»
فه‌رمووی: «من عیسام، ئه‌وه‌ی تۆ ده‌یچه‌وسێنیته‌وه‌. ⌟بۆت زه‌حمه‌ته‌ لوشكه‌ له‌ نه‌قیزه‌ی من باوێی.⌞6به‌ڵام هه‌سته‌، بڕۆ ناو شار، له‌وێ پێت ده‌گوترێ ده‌بێ چی بكه‌یت.»
7پیاوانی گه‌شتیار كه‌ له‌گه‌ڵی بوون به‌ بێده‌نگی وه‌ستان، ده‌نگه‌كه‌یان بیست به‌ڵام كه‌سیان نه‌بینی.8شاول له‌سه‌ر زه‌وییه‌كه‌ هه‌ستایه‌وه‌، چاوی كرابووه‌وه‌ و هیچی نه‌ده‌بینی، ده‌ستیان گرت و هێنایانه‌ ناو دیمه‌شق.9سێ ڕۆژان هیچی نه‌بینی، هیچی نه‌خوارد و هیچی نه‌خوارده‌وه‌.
10له‌ دیمه‌شق قوتابییه‌ك هه‌بوو ناوی حه‌نانیا بوو، مه‌سیحی خاوه‌ن شكۆ له‌ بینیندا پێی فه‌رموو: «حه‌نانیا!»
گوتی: «ئه‌وه‌تام گه‌وره‌م!»
11مه‌سیح پێی فه‌رموو: «هه‌سته‌ و بڕۆ ئه‌و شه‌قامه‌ی پێی ده‌گوترێ ڕاست، له‌ ماڵی یه‌هوزا پرسیار له‌ پیاوێكی ته‌رسۆسی بكه‌ ناوی شاوله‌، وا نوێژ ده‌كات.12له‌ بینیندا پیاوێكی بۆ ده‌ركه‌وت به‌ ناوی حه‌نانیا كه‌ دێته‌ لای و ده‌ستی له‌ سه‌ری داده‌نێت تاكو بینایی بۆ بگه‌ڕێته‌وه‌.»
13حه‌نانیا وه‌ڵامی دایه‌وه‌: «گه‌وره‌م، له‌ زۆر كه‌س ئه‌و خراپانه‌م بیستووه‌ته‌وه‌ كه‌ ئه‌م پیاوه‌ له‌ ئۆرشه‌لیم به‌ گه‌له‌ پیرۆزه‌كه‌ی تۆی كردووه‌.14ئه‌وه‌تا لێره‌ له‌ كاهینانی باڵاوه‌ ده‌سه‌ڵاتی هه‌یه‌، هه‌موو ئه‌وانه‌ بگرێت كه‌ به‌ ناوی تۆ ده‌پاڕێنه‌وه‌.»
15به‌ڵام مه‌سیح پێی فه‌رموو: «بڕۆ! ئه‌م پیاوه‌ بۆ من ئامێرێكی هه‌ڵبژێردراوه‌ بۆ هه‌ڵگرتنی ناوی من له‌به‌رده‌م نه‌ته‌وه‌كان و پاشایان و نه‌وه‌ی ئیسرائیل.16پیشانی ده‌ده‌م ده‌بێت له‌به‌ر ناوی من چه‌ند ئازار بچێژێت.»
17حه‌نانیاش ڕۆیشت و چووه‌ ماڵه‌كه‌، ده‌ستی له‌سه‌ری دانا و گوتی: «برام شاول، عیسای خاوه‌ن شكۆ منی ناردووه‌، ئه‌وه‌ی له‌و ڕێگایه‌ی پێیدا هاتی بۆت ده‌ركه‌وت، تاكو دیسان ببینیت و پڕبیت له‌ ڕۆحی پیرۆز.»18ده‌ستبه‌جێ شتێكی وه‌ك توێكڵ له‌ چاوه‌كانی كه‌وته‌ خواره‌وه‌، ئینجا بینی، هه‌ستا و له‌ ئاو هه‌ڵكێشرا.19نانی خوارد، هێزی هاته‌وه‌ به‌ر و بۆ چه‌ند ڕۆژێك له‌ دیمه‌شق له‌گه‌ڵ قوتابییه‌كان بوو.
20یه‌كسه‌ر له‌ كه‌نیشته‌كاندا عیسای ڕاده‌گه‌یاند، كه‌ كوڕی خودایه‌.
2. Lesung: مزگێنی
31ئینجا عیسا هه‌رێمی سوری به‌جێهێشت و به‌ سه‌یدا دا به‌ره‌و ده‌ریاچه‌ی جه‌لیل هات، به‌ هه‌رێمی ده‌ شاره‌كه‌دا.32كه‌ڕێكی لاڵوپته‌یان بۆ هێنا، لێی پاڕانه‌وه‌ ده‌ستی له‌سه‌ر دابنێت.
33عیسا بردییه‌ لایه‌كه‌وه‌، دوور له‌ خه‌ڵكه‌كه‌، په‌نجه‌كانی خسته‌ ناو گوێی كابراوه‌ و تفی كرد به‌ ده‌ستی خۆیدا و ده‌ستی له‌ زمانی دا.34چاوی به‌ره‌و ئاسمان هه‌ڵبڕی و هه‌ناسه‌یه‌كی هه‌ڵكێشا و پێی فه‌رموو: «ئێففه‌سا!» واته‌ بكرێوه‌.35ده‌ستبه‌جێ گوێیه‌كانی كرانه‌وه‌ و گرێی زمانی شلبووه‌وه‌ و به‌ ڕه‌وانی قسه‌ی كرد.
36ئینجا ڕایسپاردن به‌ كه‌س نه‌ڵێن، به‌ڵام چه‌ند ڕایده‌سپارد ئه‌وان زیاتر بڵاویان ده‌كرده‌وه‌.37زۆر سه‌رسام بوون و ده‌یانگوت: «هه‌موو شتێكی به‌ باشی كردووه‌! وا ده‌كات كه‌ڕ ببیستێت و لاڵ قسه‌ بكات.»
Predigt:
1له‌ كاتی نوێژی كاتژمێر سێی  پاش نیوه‌ڕۆ په‌ترۆس و یۆحه‌نا سه‌ركه‌وتن بۆ په‌رستگا.2له‌به‌رده‌م ده‌رگای په‌رستگادا كه‌ پێی ده‌گوترا ده‌رگای جوان، پیاوێك به‌ زگماك ئیفلیج دانیشتبوو، هه‌موو ڕۆژێك هه‌ڵیانده‌گرت‏ و له‌وێ دایانده‌نا تاكو سواڵ بكات له‌وانه‌ی ده‌هاتنه‌ حه‌وشه‌كانی په‌رستگاكه‌وه‌.3په‌ترۆس و یۆحه‌نای بینی به‌ نیازن بێنه‌ ناو په‌رستگا، داوای خێری لێكردن.4په‌ترۆس له‌گه‌ڵ یۆحه‌نا تێیڕووانی، گوتی: «سه‌یرمان بكه‌!»5ئه‌ویش چاوی تێبڕین و چاوه‌ڕێی ده‌كرد شتێكیان لێ وه‌رگرێت.
6په‌ترۆس گوتی: «زێڕ و زیوم نییه‌، به‌ڵام ئه‌وه‌ی هه‌مه‌ ده‌تده‌مێ. به‌ ناوی عیسای مه‌سیحی ناسیره‌ییه‌وه‌، هه‌سته‌ و بڕۆ!»7ئینجا به‌ ده‌ستی ڕاستی گرتی و هه‌ڵیستاند، ده‌ستبه‌جێ هێز كه‌وته‌ پێ و پاژنه‌كانی.8ئیتر هه‌ڵبه‌زییه‌وه‌ و ڕاوه‌ستا و ده‌ستی به‌ ڕۆیشتن كرد، له‌گه‌ڵیان چووه‌ ناو حه‌وشه‌كانی په‌رستگا، ده‌ڕۆیشت و هه‌ڵده‌به‌زییه‌وه‌ و ستایشی خودای ده‌كرد.9هه‌موو خه‌ڵك بینییان ده‌ڕوات و ستایشی خودا ده‌كات.10جا خه‌ڵكه‌كه‌ ناسییانه‌وه‌ كه‌ ئه‌وه‌یه‌ بۆ سواڵكردن له‌لای ده‌رگای په‌رستگا داده‌نیشت، ئه‌وه‌ی كه‌ پێی ده‌گوترا جوان، سه‌رسامی و حه‌په‌ساویش دایگرتن له‌وه‌ی به‌سه‌ری هات.

13. Sonntag nach Trinitatis, 26.8.2018:

1. Lesung: نامه‌ی
7خۆشه‌ویستان، با یه‌كتریمان خۆشبوێ، چونكه‌ خۆشه‌ویستی له‌ خوداوه‌یه‌ و ئه‌وه‌ی كه‌سانی دیكه‌ی خۆشده‌وێت له‌ خوداوه‌ له‌دایك بووه‌ و خودا ده‌ناسێت.8ئه‌وه‌ی كه‌سانی دیكه‌ی خۆشنه‌وێت خودای نه‌ناسیوه‌، چونكه‌ خودا خۆشه‌ویستییه‌.9به‌م شێوه‌یه‌ خۆشه‌ویستی خودا له‌نێوانماندا ده‌ركه‌وت: خودا كوڕه‌ تاقانه‌كه‌ی خۆی نارده‌ جیهان تاكو به‌هۆیه‌وه‌ بژین.10خۆشه‌ویستی له‌مه‌دایه‌: نه‌ك ئێمه‌ خودامان خۆشویست، به‌ڵكو ئه‌و خۆشیویستین و كوڕه‌كه‌ی بۆ كه‌فاره‌تی  گوناهه‌كانمان نارد.11خۆشه‌ویستان، ئه‌گه‌ر خودا به‌م شێوه‌یه‌ خۆشیویستین، پێویسته‌ له‌سه‌رمان یه‌كتریمان خۆشبوێ.12هه‌رگیز كه‌س خودای نه‌بینیوه‌. ئه‌گه‌ر یه‌كتریمان خۆشبوێ، ئه‌وا به‌ یه‌كگرتوویی له‌گه‌ڵ خودا ده‌ژین و خۆشه‌ویستییه‌كه‌ی له‌ ناخماندا ته‌واوه‌.
2. Lesung: مزگێنی
25ته‌وراتناسێك هه‌ستا تاكو تاقی بكاته‌وه‌، گوتی: «مامۆستا چی بكه‌م تاكو ژیانی هه‌تاهه‌تایی به‌ میرات وه‌ربگرم؟»
26ئه‌ویش پێی فه‌رموو: «له‌ ته‌وراتدا چی نووسراوه‌؟ چۆن ده‌یخوێنیته‌وه‌؟»
27وه‌ڵامی دایه‌وه‌: «{به‌ هه‌موو دڵ و به‌ هه‌موو گیان و به‌ هه‌موو توانا و هه‌موو بیرتانه‌وه‌ یه‌زدانی په‌روه‌ردگاری خۆتان خۆشبوێت،}  هه‌روه‌ها {نزیكه‌كه‌ت وه‌ك خۆت خۆشبوێت.} »
28عیسا پێی فه‌رموو: «وه‌ڵامه‌كه‌ت ڕاسته‌، ئه‌مه‌ بكه‌، ژیانی هه‌تاهه‌تایی به‌ده‌ستده‌هێنیت.»
29به‌ڵام ویستی پاكانه‌ بۆ خۆی بكات، به‌ عیسای گوت: «نزیكه‌كه‌م كێیه‌؟»
30عیسا وه‌ڵامی دایه‌وه‌: «پیاوێك له‌ ئۆرشه‌لیمه‌وه‌ بۆ ئه‌ریحا  ده‌چوو، كه‌وته‌ ده‌ست جه‌رده‌، برینداریان كرد، ئینجا به‌ نیوه‌مردوویی به‌جێیان هێشت و ڕۆیشتن.31وا ڕێككه‌وت كاهینێك به‌و ڕێگایه‌دا ده‌ڕۆیشت، كاتێك ئه‌وی بینی له‌و به‌ره‌وه‌ تێپه‌ڕی.32هه‌روه‌ها كابرایه‌كی لێڤیش  به‌ هه‌مان شێوه‌ گه‌یشته‌ شوێنه‌كه‌، هات و سه‌یری كرد و له‌و به‌ره‌وه‌ تێپه‌ڕی.33به‌ڵام سامیره‌ییه‌كی  ڕێبوار هاته‌ سه‌ری، بینی و دڵی پێی سووتا،34لێی چووه‌ پێش و ڕۆن و شه‌رابی به‌سه‌ر برینه‌كاندا كرد و پێچایه‌وه‌، سواری وڵاخه‌كه‌ی خۆی كرد و بردییه‌ خانێك و چاودێری كرد.35ڕۆژی پاشتر دوو دیناری ده‌رهێنا و دایه‌ خانچییه‌كه‌ و گوتی: ”چاودێری بكه‌ و هه‌رچی زیاترت خه‌رجكرد، كه‌ گه‌ڕامه‌وه‌ ده‌تده‌مه‌وه‌.“
36«كام له‌م سێ كه‌سه‌ به‌ نزیك ده‌زانیت بۆ ئه‌و پیاوه‌ی كه‌ كه‌وته‌ ده‌ست جه‌رده‌كان؟»
37ته‌وراتناسه‌كه‌ گوتی: «ئه‌وه‌ی به‌زه‌یی پێیدا هاته‌وه‌.»
عیساش پێی فه‌رموو: «تۆش بڕۆ و به‌و شێوه‌یه‌ بكه‌.»
Predigt:
1ئاده‌م له‌گه‌ڵ حه‌وای ژنی جووت بوو، ئه‌ویش سكی پڕ بوو، قایینی  بوو. گوتی: «له‌لایه‌ن یه‌زدانه‌وه‌ پیاوێك بووه‌ به‌رهه‌مم.»2پاشان هابیلی برای بوو.
ئیتر هابیل بووه‌ شوانی مێگه‌ل و قایینیش جوتیار بوو.3دوای ماوه‌یه‌ك قایین هه‌ندێك به‌روبوومی زه‌وی پێشكه‌ش به‌ یه‌زدان كرد.4هه‌روه‌ها هابیل له‌ چه‌وری باشترین نۆبه‌ره‌ی مێگه‌له‌كه‌ی پێشكه‌ش كرد. جا هابیل و قوربانییه‌كه‌ی جێی ڕه‌زامه‌ندی یه‌زدان بوون.5به‌ڵام قایین و پێشكه‌شكراوه‌كه‌ی جێی ڕه‌زامه‌ندی یه‌زدان نه‌بوون. جا قایین زۆر تووڕه‌ بوو و ڕووی خۆی گرژ كرد.
6یه‌زدان به‌ قایینی فه‌رموو: «بۆ تووڕه‌ بوویت و ڕووی خۆتت گرژ كردووه‌؟7ئایا ئه‌گه‌ر ئه‌وه‌ی چاكه‌ ئه‌نجامی بده‌یت، قبوڵ ناكرێیت؟ خۆ ئه‌گه‌ر ئه‌وه‌ی چاكه‌ ئه‌نجامی نه‌ده‌یت ئه‌وا گوناه له‌ به‌رده‌رگا خۆی مات كردووه‌ و ئاره‌زووت ده‌كات، به‌ڵام تۆ ده‌بێت به‌سه‌ریدا زاڵ ببیت.»
8جا قایین به‌ هابیلی برای گوت: «با بچینه‌ كێڵگه‌كه‌.» واش ڕوویدا كاتێك هه‌ردووكیان له‌ كێڵگه‌ بوون، قایین په‌لاماری هابیلی برای دا و كوشتی.
9یه‌زدان به‌ قایینی فه‌رموو: «كوا هابیلی برات؟»
ئه‌ویش گوتی: «نازانم، خۆ من پاسه‌وانی براكه‌م نیم؟»
10جا یه‌زدان فه‌رمووی: «چیت كردووه‌؟ گوێ بگره‌! ده‌نگی خوێنی براكه‌ت له‌ زه‌وییه‌وه‌ هاوارم بۆ ده‌كات.11ئێستاش تۆ نه‌فره‌ت لێكراویت له‌و زه‌وییه‌ی كه‌ ده‌می بۆ وه‌رگرتنی خوێنی براكه‌ت كرده‌وه‌ له‌ ده‌ستی تۆ.12كاتێك ئیش له‌ زه‌وییه‌كه‌ بكه‌یت، چیتر به‌ری خۆیت ناداتێ. له‌سه‌ر زه‌وی ده‌ربه‌ده‌ر و بێ ئۆقره‌ ده‌بیت.»
13قایین به‌ یه‌زدانی گوت: «سزاكه‌م له‌وه‌ گه‌وره‌تره‌ كه‌ بتوانم به‌رگه‌ی بگرم.14ئه‌مڕۆ له‌سه‌ر زه‌وی ده‌رتكردم، له‌به‌ر ئاماده‌بوونی تۆ ون ده‌بم و ده‌ربه‌ده‌ر و بێ ئۆقره‌ ده‌بم له‌سه‌ر زه‌وی. هه‌ركه‌سێكیش تووشم بێت ده‌مكوژێت.»
15به‌ڵام یه‌زدان پێی فه‌رموو: «ناكرێت وابێت، هه‌ركه‌سێك قایین بكوژێت ئه‌وا حه‌وت ئه‌وه‌نده‌ تۆڵه‌ی لێ ده‌ستێنرێته‌وه‌.» ئینجا یه‌زدان نیشانه‌یه‌كی به‌ قایینه‌وه‌ كرد هه‌تا هه‌ركه‌سێك تووشی بێت نه‌یكوژێت.16ئیتر قایین له‌به‌رده‌می یه‌زدان چووه‌ ده‌ره‌وه‌ و له‌ خاكی نۆد له‌ ڕۆژهه‌ڵاتی عه‌ده‌ن نیشته‌جێ بوو.